Новото засилување на Милан пристигна на лекарски прегледи

Новото засилување на Милан Лукас Бјорклунд пристигна на лекарски прегледи во Милано.

Како што претходно се најавуваше Милан ќе го ангажира 16 годишниот фудбалер кој доаѓа од Малме. Бјорклунд игра на позицијата среден играч за врска и висок е 185 сантиметри. На потписот на договорот тој дојде во дрес од Шведска.

Инаку, тој беше член на пионерската и кадетската репрезентација на Шведска и му се предвидува голема кариера.

Во конкуренција за неговиот потпис беа уште Интер, Удинезе и Болоња, но сепак на крајот заврши на „Сан Сиро“.