Нов „случај Алаба“: Ѕвездата на Баерн си заминува без пари

Играчот од средниот ред на Баерн Минхен, Леон Горецка влезе во последната година од договорот и засега според информациите на медиумите двете страни не се блиску до договор.

Баерн сака да го задржи, но не сака нов случај Давид Алаба кој ова лето си замина бесплатно. Договорот на Горецка истекува на крајот од наредната сезона.

Меѓутоа, двете страни се далеку од договор бидејќи агентите на Горецка бараат плата од 20 милиони евра по сезона, а Баерн е спремен да понуди најмногу 12 милиони евра.

Доколку двете страни не ги приблиѓат позициите, на Баерн сериозно му се заканува да му се повтори „случајот Алаба“.

Имено, Горецка е спремен да го одработи договорот и следното лето да замине како слободен агент, а интерес за него покажуваат Реал Мадрид, Барселона, Јувентус и клубовите од Манчестер.