Ништо од враќање во Италија, Кеси се сели во Премиер лигата

Франк Кеси ова лето пристигна во Барселона како големо засилување, но може да го напушти „Камп Ноу“ веќе во јануари.

Кеси не е задоволен од третманот што го има во Барселона каде добива мала минутажа и главно е на клупата за резерви.

Поради тоа репрезентативецот на Брегот на слоновата коста сака уште во јануари да ја промени средината, а иако се шпекулираше дека може да се врати во Серија А, сепак од тоа нема ништо.

Најсилен интерес за него покажува Фулам и лондонскиот клуб веќе испратил понуда од 22 милиони евра, која Барселона е спремна да ја прифати.

Тоа за Каталонците ќе биде чист профит со оглед на фактот дека Кеси пристигна како слободен агент.