Нема кечап, мајонез, шеќери…Конте воведува строг режим во Тотенхем

Aнтонио Конте неодамна седна на клупата на Тотенхем, а изгледа дека Италијанецот не е задоволен со формата на дел од играчите, па ќе ја промени исхраната.

Конте смета дека одредени фудбалери имаат вишок килограми кои под итно мораат да ги намалат и тоа им го кажал директно. Конте ќе им забрани на фудбалерите да користат мајонез, кечап, шеќери…

„Секој фудбалер мора физички да напредува за да се вклопи во мојата идеја на фудбалот. Мора да го зголемат својот капацитет…Два или три дена тренинг е премалку да одговориме на сите прашања кои не мачат. Се надевам дека ќе останеме посветени и ќе мораме негативните работи да ги претворивме во позитивни“, изјави Конте.

Во овој момент Тотенхем е деветти на табелата, а бидејќи клубот има поголеми амбиции „петлите“ ќе мораат веднаш да почнат да освојуваат бодови.