Неверојатна понуда за Салах. Ливерпул би можел да го собори светскиот рекорд

Ал Итихад доцна синоќа испрати нова понуда за трансфер на Мохамед Салах во Ливерпул.

Со вклучени бонуси и под услов англискиот гигант да ја прифати, таа понуда може да стане рекордно висок трансфер.

Делегација на клубот од Саудиска Арабија од саботата е во Англија каде се обидува да изврши притисок врз Ливерпул.

Последната понуда за египетскиот напаѓач е фиксна 175 милиони евра, а со бонуси може да се искачи на 251,5 милиони евра.

Да потсетиме, сепак најскап трансфер е оној во кој Нејмар во 2017 година од Барселона пристигна во ПСЖ.

Парискиот клуб тогаш го донесе за 222 милиони евра.

Салах е под договор со Ливерпул со кој беше англиски и европски шампион до летото 2025. На 309 натпревари за него постигна 188 и асистираше на 81 гол.