Не може никој со Беневенто: Клубот од квартот испишува историски рекорди (ВИДЕО)

Ако некој сака да ја прекине рекордната серија порази, тогаш тоа се фудбалерите на Беневенто, но не успеваат никако.

Беневенто се избори за пласман во Серија А, но по се изгледа ниту самите не знаат како стигнаа помеѓу клубовите како што се Јувентус, Наполи, Интер, Рома, Милан…

Имено, оваа симпатична екипа вечерва го запипа 14. во низа пораз и дефинитивно е рекордер во Европа врзан за поразите во стартот на сезоната.

Беневенто нема ниту еден бод, на дното се наоѓа и веќе се поздравија со оваа лига, а новиот пораз го доживеаа од Аталанта.

Иако издржаа 75 минути, Кристанте ги разочара и ја продолжи нивната црна серија. Којзнае кога таа ќе престане, со оглед на тоа дека во следното коло се домаќини на Милан.