Нападнат судија во кадетскиот натпревар помеѓу Шкендија и Вардар

Во натпреварот од кадетската лига помеѓу Шкендија и Вардар кој заврши со победа од 4:2 за домаќините се случил инцидент кога бил нападнат судијата на натпреварот.

Случајот беше потврден и од МВР.

„На 06.11.2021 во 13.05 часот полициски службеници на СВР Тетово ги привеле во полицска станица А.Н.(45) и Т.Ф.(42), и двајцата од Скопје. А.Н. бил приведен поради нарушување на јавниот ред и мир со викање и непристојно однесување, а Т.Ф. затоа што физички го нападнал фудбалскиот судија Ј.Б. по завршување на фудбалскиот натпревар од младинската суперлига помеѓу Шкендија и Вардар. По документирање на случајот против нив ќе биде поднесен соодветен поднесок.“, стои во соопштението.