Нагелсман: Хари Кејн е многу скап, но ќе се обидеме

Тренерот на Баерн Минхен, Јулијан Нагелсман го потврди интересот на Баварците кон ѕвездата на Тотенхем, Хари Кејн.

Баварците се во потрага по врвен напаѓач кој ќе биде замена за Левандовски, а Хари Кејн е прв на листата желби.

Капитенот на англиската репрезентација има договор со Тотенхем до 2024 година, но дал позитивен одговор на понудата на Баерн Минхен.

Кејн сака да се пресели во клуб каде ќе се бори за најважните трофеи, но „Спарси“ за неговата слобода бараат 150 милиони евра, што е премногу за заинтересираните клубови.

„Проблемот е што тој е многу скап, но е фантастичен играч. Еден од малкуте кои можат да играат како централен напаѓач, но и како „десетка“. Не ја знам точната цена, но знам дека ќе биде тешко за Баерн да го донесе. Ќе видиме што ќе се случи“, изјави Нагелсман.

🗣️"Very expensive that's the problem"
🗣️"We will see what will happen in the future"

Julian Nagelsmann responds to speculation that Bayern Munich may be interested in signing Harry Kane 🔴 pic.twitter.com/p3ffPOMYXz

— Sky Sports Football (@SkyFootball) July 23, 2022