Нагелсман: Влогот е голем, не смееме да погрешиме

Тренерот на Баерн Минхен, Јулијан Нагелсман знае што треба да направи неговиот тим во дуелот против Виљареал во Лигата на шампиони.

Во првиот натпревар Баерн неочекувано загуби на „Мадригал“ со 1:0 од Виљареал, па е под притисок пред реваншот во Минхен.

„Не можеме да му дадеме време на Виљареал да покаже квалитет на теренот. Мораме да правиме тактички рокади и да играме валкан фудбал кога е потребно. Мораме да ги казниме што воопшто не ги искористија шансите на првиот дуел“, изјави Нагелсман.

„Направивме премногу грешки на првиот натпревар и тоа ќе мораме да го сведеме на минимум ако сакаме пласман во следната рунда, бидејќи влогот е голем“, додаде Германецот.