Мурињо се огласи за фудбалскиот терен по негово име во Србија

Како што беше објавено пред неколку дена новото игралиште во српската општина Уб ќе го носи името на Жозе Мурињо.

Локалните власти донеле ваква одлука наводно поради големата почит која ја имал Мурињо кон Србија, а во целата работа голема улога одигра и Немања Матиќ кој во својата кариера соработуваше со Мурињо.

Српскиот играч за врска се погрижил и Мурињо да сними видео порака која ја објави „Телеграф“ – тука.

„Поздрав, јас сум Жозе. Уб е посебен град со многу посебни луѓе и тие заслужуваат посебен фудбалски терен. Многу сум среќен и горд што УБ ќе добие таков терен на кој ќе може сите да уживаат. Се слушаме наскоро“, порача Мурињо.