Модриќ емотивно се прости од Рамос: Беше посебен од првиот ден

Лука Модриќ се прости од својот капитен Серхио Рамос по повод неговото заминување од Реал Мадрид.

Рамос после цели 16 години го напушти „Сантиаго Бернабеу“, а Модриќ емотивно се прости од својот соиграч и голем пријател.

„Пријателу и брате, тешко ми е да се простам од тебе…Од првиот ден кога пристигнав во Мадрид беше посебна личност за мене, патевме и се радувавме заедни, но најважно е дека победувавме. Беше пример како соиграч и капитен. Ќе ми недостасуваш, а знаеш дека во мене секогаш ќе имаш пријател. Ти благодарам за се и среќно“, напишта Модриќ на социјалните мрежи.