Милан тргнува по дефанзивецот на Арсенал

Италијанските медиуми пренесуваат дека Милан е сериозно заинтересиран за дефанзивецот на Арсенал, Шкодран Мустафи.

Фудбалерот кој во Лондон пристигна од Валенсија летото 2016 година за 35 милиони фунти, не ги оправда очекувањата, има проблеми и со повредите, па во Арсенал го изгубија трпението и се спремни да го продадат.

„Топџиите“ веќе започнаа преговори со Ерик Баи од Манчестер Јунајетд, па со продажбата на Мустафи сакаат да го финансираат тој трансфер.

Милан сака да ја искористи таквата ситуација и веќе стапил во контакт со агентот на Германецот.

Мустафи има искуство во Серија А, својата фудбалска афирмација ја доживеа во Сампдорија и е спремен да се врати во Италија.

Сепак, „росонерите“ ќе треба да ја победат конкуренцијата бидејќи за него интерес покажуваат уште Баерн Минхен и Борусија Дортмунд.