Милан има договор со ѕвездата на Лацио!

Италијанските медуми пренесуваат дека ѕвездата на Лацио, Кеита Балде веќе има договор со Милан и сака да се пресели на „Сан Сиро“.

Каита викендов постигна хет-трик за само 6 минути против Палермо и е во центарот на вниманието, а медиумите тврдат дека веќе се договорил со Милан.

Крилниот напаѓач во неколку наврати одби да го продолжи договорот со Лацио, а со оглед на фактот дека тој истекува во 2018 година, ова лето е последна шанса „бјанкочелестите“ да заработат на неговата продажба.

Кеита наводно веќе договорил четиригодишна соработка со „росонерите“, па сега останува само уште двата клуба да се договорат за отштетата.

„Кориере дело Спорт“ тврди дека претседателот на Лацио за неговата слобода бара 20 милиони евра.