Милан и Интер го сакаат „новиот Халанд“

Италијанските гиганти Милан и Интер на лето ќе водат голема битка на трансфер пазарот.

Главна цел ќе биде ѕвездата на Лајпциг, Бенџамин Шешко, кој има 20 години и го привлече вниманието на многу европски гиганти.

Словенскиот репрезентативец го споредуваат со Халанд, бидејќи блесна во дресот на Салцбург, а сега игра одлично во Бундеслигата.

Шешко на 16 меча оваа сезона постигна 9 гола и Лајпциг сигурно нема лесно да се откаже од својата ѕвезда и за неговата слобода ќе бара најмалку 50 милиони евра.

Приоритет на миланските клубови ќе биде доведување на врвен напаѓач, но конкуренцијата за Шешко ќе биде голема.