Меси: Постоеше наредба од Мадрид да ме нападнат

Многубројни фудбалери од Шпанија се соочија со осуда за избегнување на плаќање данок.

Тој во 2016. година беше осуден на 21 месец затворска казна, а мораше на ржавата да плати 12 милиони евра. Во затвор не отиде затоа што казната беше помала од две години, но парите мораше да ги плати.

Аргентинецот тврди дека одредени медиуми од Мадрид одлучиле да покренат процес против него.

„Постоеше наредба од Мадрид да ме нападнат, да ме победат и да искористат момент на слабост. Беше тешко да се помине преку тоа.“ – изјави Меси и додаде:

„Бев близу до депресија поради начинот на кој медиумите од Мадрид ме нападнаа со тоа што го пишуваа за мене и моето семејство. Беше многу тешко.“

„Имав среќа. Поддршката од луѓето кои ме сакаат од Барселона ми помогна да се опуштам.“

Проблеми со данокот освен Меси имаа уште многу ѕвезди, а посебно Кристијано Роналдо кој веќе со месеци се обидува да се договори за исплата на парите за кои Шпанија го обвинува дека ги сокрил.