Меси: Во Париз некои луѓе почнаа да ме третираат поинаку

Лионел Меси по две сезони си замина од Пари Сен Жермен и за нешто помалку од еден месец, веројатно на 21-јули го очекува дебито за Интер Мајами.

Во Париз, Меси постигна 32 гола на 74 натпревари и освои две титули, но најголем дел од навивачите му испраќаа свирежи во последните натпревари и му ставија до знаење дека сака да замине.

Во разговор за „Беин Спорт“, Меси го коментираше своето заминување.

„Некои луе почнаа да ме третираат поинаку, дел од навивачите во Париз. Мислам дека имаше и дел кој сакаше да останам, но дојде до конфликт со голема група и тоа не го сакав. Ми се случи тоа што им се случуваше и на Нејмар и Мбапе. Знам дека навивачите така се однесуваат“, објасни Меси.

„Ќе ги носам со себе убавите спомени од луѓето кои ме почитуваат и кои секогаш ги почитував од кога дојдов“, заклучи Аргентинецот.