Марио Балотели пред изненадувачки трансфер

Во новата сезона Марио Балотели би можел да игра во Романија во тимот на Рапид Букурешт, пренесуваат романските медиуми.

Според нивните информации контактите помеѓу двете страни се остварени и се чека само Балотели да го потврди трансферот. Условот кој го поставиле претставниците на италијанскиот напаѓач е плата од милион евра годишно.

Балотели има 32 години и во минатото важеше за еден од напаѓачите со најголем потенцијал, но поради својот карактер никогаш во целост не ги исполни очекувњата..

Низ кариерата го носеше дресот на повеќе европски клубови како: Интер, Манчестер Сити, Милан, Ливерпул, Ница, Марсеј, Бреша, Монца, Адана Демирспор и Сион каде што настапува во овој момент.