Манчестер Јунајтед го сака голгетерот на Штутгарт

Манчестер Јунајтед е сериозно заинтересиран по голгетерот на Штутгарт, Саша Калајџиќ, пренесува „Кикер“.

Калајџиќ има 24 години, есенскиот дел сезонава го пропушти поради повреда на рамото, а во вториот дел од сезоната на 15 натпревари постигна шест гола. 

Австрискиот репрезентативец го привлече вниманието на многу клубови, меѓу кои и Баерн Минхен, но „црвените ѓаволи“ сакаат да ја победат конкуренцијата.

Тен Хаг бара нов напаѓач и после неуспешниот обид да го ангажира Арнаутовиќ, сега ќе се насочи кон неговиот колега од репрезентацијата.