Македонија со напредок од 5 места на ФИФА ранг листата

Македонската репрезентација напредуваше за пет места на најновата ФИФА ранг листа и сега се наоѓа на 62-то место.

Триумфот над актуелниот европски шампион Италија во полуфиналето од баражот за пласман на Светското првенство очекувано донесе скок на ФИФА ранг листата.

На врвот на листата на ФИФА сега е Бразил пред Белгија, на третото место е Франција потоа следуваат Аргентина,Англија, Италија, Шпанија, Португалија, Мексико и Холандија.

Од нашите противници во Лигата на нации најдобар ранкинг има Бугарија која се наоѓа на 71-та позиција, Грузија е 86, а Гибралтар во моментов е на 203 место.