Македонија е кандидат за домаќин на ЕП 2023 во одбојка!

Одбојкарската федерација на Македонија поднесе апликација за кандидатура за организирање на две Европски првенство.

Првото е сениорското во машка конкуренција во 2023 година, додека второто е женското првенство за одбојкарки до 19 години кое треба да се одржи во 2022. Одбојкарската федерација кандидатурата ја истакнала на состанокот на ЦЕВ (Европска одбојкарска конфедерација) во Луксембург.

Одбојкарската федерација побара и доби писмена гаранција од македонската Влада дека ќе помогне во обзбедувањето на финансиски материјали.

Ако добиеме позитивен одговор тоа значи и дека нашите најдобри одбојкари автоматски би биле сигурен учесник на тој турнир.