Луис Енрике е премногу скап – и Челзи се откажа од него

Преговорите помеѓу Челзи и Луис Енрике завршиле и Шпанецот сигурно нема да биде новиот тренер на „сините“, пренесува „Марка“.

Причина за тоа се преголемите финансиски барања на поранешниот тренер на Барселона.

Претходно Арсенал се откажа од Луис Енрике кого го сакаше за наследник на Вангер и тоа поради истата причина. Медиумите на Островот информираа дека Шпанецот побарал премногу висока плата.

Преговорите кои од страна на Челзи ги водеше Марина Грановскаја започнале уште во февруари и на почетокот било се во ред, но набрзо Енрике го демонстрирал својот сложен карактер.

Според извори блиси до Челзи, Луис Енрике се однесува „арогантно“ и сакал да има одврзани раце при градење на тимот, нешто што не го дозволува сопственикот Роман Абрамович.

Утрешното во ФА Купот сигурно ќе биде последниот на клупата за Антонио Конте, па останува да видиме кој ќе биде негов наследник.