Ливерпул спрема понуда за Кеси

Барселона е спремна ова лето после само една сезона да го продаде Франк Кеси, пренесуваат шпанските медиуми.

Кеси не е задоволен од третманот што го има во Барселона каде добива мала минутажа и главно е на клупата за резерви.

Чави исто така смета дека Кеси не се вклопува во неговиот стил на игра, па Барселона го стави на продажба.

Иако се шпекулираше со негово враќање во Италија, сепак Кеси во моментов е најблиску до Премиер лигата.

Имено, Ливерпул покажува силен интерес за играчот за врска и е спремен да понуди 35 милиони евра, колку што бара Барселона за неговата слобода.