Легендата ја шокира Барселона: Можно е да заминам!

Легндата на Барселона и шпанскиот фудбал, Андрес Иниеста ги шокираше фановите и откри дека би можел да ја промени средината.

Иниеста беше поврзуван со бројни клубови изминатите години, но секогаш и беше верен на Барселона, сепак сега откри дека постои можност кариерата да ја заврши на друго место.

„Секогаш постои можност кариерата да ја завршам на друго место, не во Барселона“, изјави Иниеста кој има договор со Каталонците до 2018 година.

„Не зборувам сега ништо за можноста да потпишам нов договор, но морам да ја проценам ситуацијата на темелот на моите игри во текот на целата сезона. Кога ќе го анализирам тоа, ќе донесам одлука за иднината“, заклучи Иниеста.

Во последно време медиумите го поврзуваат легендарниот плејмејкер со Јувентус и тврдат дека „бјанконерите“ веќе му понудиле договор на три години.