Лацио не го дава својот „архитект“, му нуди нов договор на Инзаги

Лацио игра сезона од соништата и после многу години повторно се бори за Скудетото, а еден од најзаслужните за таквиот успех е секако тренерот Симоне Инзаги.

Инзаги се етаблираше во еден од најдобрите тренери во Серија А, па Лацио сака по секоја цена да го задржи на „Олимпико“ и му понуди нов, побогат договор.

Италијанските медиуми тврдат дека двете страни договориле продолжување на соработката за нови три години, а Инзаги ќе добива 3 милиони евра по сезона.

44-годишниот стратег е на клупата на Лацио уште од април 2016. година. Тој успеа да го врати Лацио со врвот со одлична работа и освои вкупно три трофеи.

Лацио два пати го крена трофејот на Суперкупот на Италија и еднаш Купот на Италија, а оваа сезона е голема борба за титулата со Јувентус.