Лаутаро Мартинез оди во Барселона, Конте бара негова замена?

Се чини дека по крајот на сезоната Лаутаро Мартинез скоро сигурно ќе го напушти Интер и ќе стане нов играч на Барселона.

Во Интер не можат да го спречат заминувањето на Аргентинецот бидејќи Барса сака да ја искористи клазулата од 111 милиони евра која е на сила од 1. до 15. јули.

Сепак, Антонио Конте има две желби, а прва е моменталниот капитен на Арснал, Обамејанг, кој би било одлично засилување за Интер.

Доколку не успее да договори негов трансфер, Конте ќе се сврти кон Марсијал. Било кој од овие двајца ќе биде големо засилување за тимот на Конте.