Конечно: Вардар започна со подготовки за вториот дел од сезоната

Најтрофејниот македонски клуб Вардар конечно ги започна подготовките за пролетниот дел од сезоната.

„Црвено-црните“ денес под водство на Бобан Грнчаров почнаа со тренинзите иако се уште во недефиниран состав затоа што неколку фудбалери го напуштија клубот во овој преоден рок, дел од нив се преселија и во ривали во борбата за враќање во ПМФЛ.

На паузата Вардар е второпласиран со само еден бод за Гостивар, но ситуацијата во вториот дел ќе биде и тоа како тешка за вардарци.

Амбициите за враќање во првата лига се уште се тука, но јасно е дека по заминувањето на фудбалерите ќе мора да се донесат нивни замени за таа цел. Во наредниот период Вардар ќе одигра три подготвителни натпревари против Тетекс (04.02), Скопје (08.02) и Работнички (11.02).