Кејн се врати на тренинзите, Сити спрема последна понуда

Напаѓачот на Тотенхем, Хари Кејн се врати на тренинзите и за прв пат сезонава тренираше со своите соиграчи.

Претходно беше објавено дека на стартот на подготовките, фудбалерот не се вратил во базата на тимот и пропуштил неколку тренинзи.

Кејн не беше вклучен во составот на тимот за натпреварот против Манчестер Сити во првото коло од Премиер лигата.

Голгетерот инсистира да го напушти клубот ова лето, а медиумите тврдат дека Сити спрема последна понуда од 150 милиони фунти и доколку Тотенхем ја одби, тогаш ќе се откаже од Кејн.