Касиљас даде своја проценка за засилувањето на Реал Мадрид од 50 милиони евра

Легендарниот Икер Касиљас во залезот на својата кариера брани во редовите на Порто.

Токму од редовите на Порто ќе биде првото летно засилување за Реал Мадрид. „Кралевите“ неодамна го потврдија трансферот на Едер Милитао.

Шпанскиот гигант за Милитао се одлучи да издвои 50 милиони евра кои ќе ги добие Порто. Со оглед на тоа дека се соиграчи Касиљас добро го познава Милитао. Легендарниот голман потенцираше дека со неговиот ангажман Реал Мадрид направил вистински потег.

„Реал Мадрид направи одличен потег. Обезбедија млад играч со блескава иднина. Убеден сум дека ќе има успех во Реал Мадрид“, порача Икер и додаде:

„Во Порто ризикуваа со тоа што помлад му дадоа шанса, но Милитао покажа карактер. Тој е едно скромно момче кое сака да ги заврши работите на вистински начин. Единствено за што сум загрижен е како ќе успее да се прилаги во Шпанија. Меѓутоа тоа не можам да му го објаснам со зборови, кога ќе пристигне во Мадрид ќе сфати за што му зборам“, заврши Касиљас.