Кармело Ентони потпишува едногодишен договор

Кармело Ентони и во наредната сезона ќе го носи дресот на Портланд.

Се претпоставуваше дека Мело би можел да се врати во Њу Јорк Никс, но на крајот одлучи да остане во Портланд, екипата во која ја оживеа кариерата.

Ќе потпише едногодишен договор и со тоа ќе биде дел од перспективната екипа која повторно ќе се бори за што поголем домет во НБА лигата заедно со Јусуф Нуркиќ.

Тој претходната сезона во натпреварите од плеј-офот забележа 15.4 поени и 6.3 скокови во просек.