Интер ја „краде“ ѕвездата на Наполи

Како што пренесуваат италијанските медиуми, утрешниот меч помеѓу Интер и Наполи во Купот може да биде и клучен за договор меѓу миланскиот клуб и Дрис Мертенс.

На Мертенс договорот му истекува на крајот од сезоната и Де Лаурентис нема намера истиот да му го продолжи. 

Поради тоа Мертенс на лето ќе го напушти клубот како слободен агент, а медиумите тврдат дека преговорите со Интер се во напредната фаза.

За Мертенс интерес покажуваат и други италијански клубови, но „Газета дело Спорт“ тврди дека понудата од Интер е убедливо најдобро и дека Белгиецот е многу блиску до „Џузепе Меаца“.

Утре во Милано ќе биде и неговиот агент, па можно е да бидат договорени последните детали и Мертенс да стави потпис на преддоговор со „нероаѕурите“.

Белгиецот следната сезона би требало да биде замена за Алексис Санчез, кого Интер нема да го откупи и ќе му го врати на Манчестер Јунајтед.