Интер го сака „дијамантот“ на Динамо Загреб

Милански Интер би можел да ја зголеми хрватската колонија во тимот бидејќи италијанските медиуми пренесуваат дека е заинтересиран за „бисерот“ на Динамо Загреб, Иван Шуњиќ.

Станува збор за 22-годишен играч за врска кој ова лето пристигна на „Максимир“ од Локомотива Загреб, но веднаш импресионираше со своите настапи.

Шуњиќ привлече своето внимание со брилјантната партија против Фенербахче во Лига Европа, па наскоро би можел да им се придружи на своите сонародници во Милано.

Хрватските медиуми пренесуваат дека Интер е спремен да понуди 5 милиони евра, но неговата цена до јануари може додатно да порасне.

#InterMilan linked with shock #IvanSunjic move – #Sunjic https://t.co/K17BGwBCzz pic.twitter.com/Zqn1SKKqyb

— EuroFootballRumours (@EFootballRumors) October 16, 2018