Интер го претстави Квадрадо: Имав многу понуди, но…

Миланскиот гигант Интер денес и официјално го потврди трансферот на Хуан Квадрадо кој потпиша договор на една сезона.

Квадрадо помина осум години во лутиот ривал Јувентус, а сега како слободен агент пристигна во Интер.

Навивачите негодуваат на неговото доаѓање, а тој објасни зошто го избрал Интер.

„Имав многу понуди, но Италија е втор дом за мене. Моето семејство е многу приврзано за оваа земја, постоеше можност да останам овде со одличен тим, со оглед на историјата на овој клуб. Го избрав Интер затоа што сите знаеме што тие претставуваат на глобално ниво. Важно е дека јас и моето семејство сме среќни“, изјави Колумбиецот.