Инзаги соопшти лоши вести за Интер пред дербито со Рома

Навивачите очекуваа и се надеваа, но сепак Ромелу Лукаку нема да се врати на терените за утрешното дерби на Интер против Рома.

Оваа информација на денешната прес-конференција ја потврди тренерот Инзаги.

„Се очекуваше, но има мало одложување. Помина еден месец досега, но на Лукаку ќе му биде потребно уште малку време“, изјави Инзаги.

Лукаку не е единствениот на кој Инзаги нема да може да смета, надвор од конкуренција е и Марсело Брозовиќ кој се повреди во настапот за Хрватска.