Играчот кој Барселона го исфрли од „А“ тимот може да направи трансфер во Англија

Mладиот играч на Барселона, Мориба беше исфрлен од првиот тим на каталонскиот гигант откако одби да потпише нов договор.

Мориба побара повеќе пари да потпише договор, меѓутоа Каталонците се во криза и не можеа да ги исполнат барањата, затоа беше прекомандуван во Б тимот.

Сега медиумите пренесуваат дека се појавиле заинтересирани клубови за неговите услуги. Наводно во игра бил и Реал Мадрид, меѓутоа во прв план се Манчестер Сити и Челзи. Англиските клубови се спремни на Мориба да му дадат плата од шест милиони евра по сезона.

Во минатата сезона во Ла Лига Мориба одигра 14 натпревари, постигна еден гол и подели три асистенции.