Ибра: Јас во Наполи? Се е можно…

Медиумите изминативе денови пишуваа дека Златан Ибрахимовиќ би можел да се пресели во ЛА Галакси. Наводно Америка е привлечна дестинација за напаѓачот, но проблем е неговата висока плата.

Ибрахимовиќ моментално заработува 14 милиони евра по сезона, а неговиот договор со „црвените ѓаволи“ истекува на крајот на сезоната.

Иако Мурињо во неколку наврати истакна дека Златан ќе остане на „Олд Трафорд“ и следната сезона, сепак неговата иднина сеуште е неизвесна.

Сега во целата приказна се вклучи и Наполи. Италијанскиот клуб ќе направи се за да го донесе Ибра на „Сан Паоло“ бидејќи верува дека со него конечно ќе може да го освои Скудетото.

„Јас во Наполи? Се е можно, никогаш не се знае. Среќен сум во Јунајтед, но ќе видиме што ќе се случи на крајот на сезоната“, изјави Ибрахимовиќ за „Скај Спорт“.