И официјално: Салернитана го врати човекот кој го отпушти пред два дена!

Она што утрово го најавуваа италијанските медиуми сега доби и официјална потврда – Давиде Никола по два дена откако беше отпуштен се враќа на клупата на Салернитана.

Изјава за своето враќање веќе даде и самиот Никола.

„Ми се јави претседателот на клубот и ми ги објасни причините. Мојата молба беше да се преиспита отказот.

Тој се согласи и сега се надевам ќе ја вратам довербата од управата. Имам голема желба заедно повторно да победуваме“, објави Никола.

Отказот за Никола дојде по високиот пораз за викендот од Аталанта со 8:2. Во медиумите се шпекулира дека враќањето на Никола е најмногу затоа што Рафа Бенитез кој бил прва мета не се договорил со раководството.