Зидан ја коментираше продажбата на Хакими

Тренерот на Реал Мадрид, Зинедин Зидан на денешната пресконференција ја коментираше продажбата на Ашраф Хакими во Интер.

Десниот бек одигра одлична сезона во Борусија Дортмунд и неодамна потпиша нов договор со Реал, но „кралевите“ решија да го продадат за 45 милиони евра.

Зидан денес ја коментираше продажбата и истакна дека клучен бил економскиот аспект на зделката.

„Покрај спортско-техничкиот аспект, постои и економски аспект, кој е многу важен. Сега не е момент да зборуваме за тоа, иако наскоро би требало да биде официјално. Постојат три страни – клуб, фудбалер и тренер. Работите се решаваат на таков начин, економскиот аспект е многу важен“, истакна Зидан.

Реал Мадрид има потреба од пари, а скоро сигурно ова лето нема да може да инкасира пари од продажбата на Хамес Родригез и Герет Бејл.