Зидан повеќе не смета на него – Милан тргнува во акција!

По завршувањето на сезоната ќе има големи промени во тимот на Реал Мадрид, а шпанските медиуми пренесуваат дека Зидан повеќе не смета на услугите на хрватскиот репрезентативец Матео Ковачиќ.

Зидан наводно ја загубил довербата во Хрватот и дал зелено светло за негово заминување од „Сантиаго Бернабеу“ на крајот на сезоната.

Ковачиќ оваа сезона во Примера одигра само 90 минути, што е доказ дека за него нема место во првиот тим, па и самиот е спремен да ја промени средината.

Хрватот не сака да ја грее клупата и да го пропушти Светското првенство, а таквата ситуација е спремен да ја искористи Милан, кој веќе стапил во контакт со неговиот агент.

„Росонерите“ се во потрага по квалитетен играч за врска, а Ковачиќ наводно е спремен да се врати во Италија.

Покрај Милан, силен интерес за хравсткиот репрезентативец покажува и премирлигашот Тотенхем.