Зидан: Нејмар? Ќе зборуваме за се што ве интересира, но за 10 дена

Oд поодамна се шпекулира дека Нејмар е незадоволен во ПСЖ, а дека Реал Мадрид сака да го искористи неговото незадоволство за да го доведе на „Бернабеу“.

Последните гласини во Шпанија кои ги пренесуваа дури и најголемите шпански медиуми говореа дека Нејмар веќе започнал преговори со „кралевите“.

Дека нешто можеби навистина се случува помеѓу Реал Мадрид и ПСЖ најави и тренерот на „кралевите“ Зинедин Зидан кој пред неколку дена истакна дека според него Нејмар и Роналдо можат да функционираат заедно.

Сега Зидан на прашањето за Нејмар одговори дека за неговиот потенцијален трансфер во Реал ќе зборува кога сезоната ќе биде завршена.

„Нема да зборувам за ниту еден играч кој не го тренирам. Ни остануваат уште 10 дена до завршување на сезоната и уште два натпревари. Потоа ќе разговараме за се што ве интересира“, порача Зидан.