Зидан му порачал на Иско да си бара нов клуб

Тренерот на Реал Мадрид, Зинедин Зидан му соопштил на Иско дека слободно може да си бара нов клуб, пренесуваат шпанските медиуми.

Зидан отворено му го кажал тоа на Иско после еден тренин и му порачал дека најдобро е да си побара нов клуб, открива „Марка“.

Иско оваа сезона не е во плановите на Зинедин Зидан и ретко добива шанса, а на Ел Класико камерите го снимија како приговара од клупата за резерви.

Зидан бара од раководството тој и Марсело да бидат продадени за добрата атмосфера во соблекувалната.

Интерес за Иско покажуваат неколку европски гиганти, а јасно е дека неговата цена драстично падна после лошиот период.