Зидан за Марадона: Пораснав гледајќи го на ТВ, имав 14 години кога блесна на СП

Светот денес се простува од Диего Марадона кој вчера почина од срцев удар на 60 годишна возраст.

Еден од оние кои се простуваат со „Ел Пибе“ е и стратегот на Реал Мадрид, Зинедин Зидан. Зизу за Марадона зборуваше по мечот против Интер кој неговиот тим го доби со 0:2.

„Тажни сме поради Диего и неговото семејство. Го обожаваше целиот свет, пораснав гледајќи го на телевизија, имав 14 години кога блесна на СП во 1986 година. Неповторливо беше она што правеше на теренот“, изјави Зидан.