Зајков од Украина: Во моментов сме безбедни, чекаме да бидеме спроведени

Македонскиот фудбалски репрезентативец Ѓоко Зајков настапува за украинскиот клуб Ворскла и во моментов е затекнат во Украина, среде воената интервенција на Русија.

Зајков е безбеден, а градот каде што се наоѓа не е цел на напад.

„Градот Полтава каде што се наоѓаме не беше цел на напад. Во овој момент сме безбедни. Од клубот има најава за странците, кои сме тука да се организира превоз со мини бус и евентуално да бидеме спроведени до некоја граница. Но, мора да се создадат услови. Во моментот воздушниот простор е затворен, а нема ниту возови. Ги чекаме инструкциите од клубот. Во градот моментално работат само маркети и многу мал број на ресторани. Доколку има некои нови информации ќе се обидам да пренесам“, изјави македонскиот репрезентативец.

Фото: ФФМ