Захариевски: Лиепаја е квалитетен тим, но се надевам дека ќе ги елиминираме

Струга Трим Лум е единствниот наш претставник во Конференциската лига кој натпреварот ќе го игра на домашен терен денес, додека Шкупи и Силекс гостуваат.

Против Лиепаја Струга на гости одигра 1:1 и денес во Скопје ќе се обиде да дојде до позитивен резултат.

„Резултатот 1:1 е вистинска слика за она што се случуваше во Летонија. Лиепаја е квалитетен тим и оние кои ќе го гледаат натпреварот ќе можат да се уверат во тоа. Сепак, според играта која ја прикажавме таму, посебно во второто полувреме се надеваме дека ќе ги елиминираме. Имаме активен резултат, голот во гости не е предност, па утре почнуваме од почеток“, изјави Срѓан Захариевски.

Натпреварот се игра денес со почеток од 17:00 часот.

Фото: ФК Струга Трим Лум