Завршен трансферот на Перишиќ: Денес ги поминува медицинските прегледи

Фудбалерот на Интер, Иван Перишиќ денеска треба да ги помине медицинските прегледи во Тотенхем, објавија италијанските медиуми.

Хрватскиот репрезентативец не го продолжи договорот со Интер и ќе потпише двегодишен договор со лондонскиот клуб, а според медиумите овој 33-годишен фудбалер денеска треба да ги помине лекарските прегледи.

Перишиќ е во Интер од 2015 година и за овој клуб има постигна 55 гола на 245 натпревари.

Сезоната 2021/22 беше можеби негова најдобра во клубот, бидејќи постигна десет гола и девет асистенции на 49 натпревари во сите натпреварувања.