Екс-фудбалер на Шкендија сега ќе биде главен во спортскиот сектор на тетовскиот клуб

Поранешниот репрезентативец на Македонија, Андријан Цуцули се врати во редовите на Шкендија, но сега како одговорен во спортскиот сектор на тетовскиот клуб.

Цуцули голем дел од својата кариера помина во Шкендија и тоа на четири периоди, а беше и капитен на црвено-црните. Низ годините тој стана и еден од фудбалерите со најмногу настапи за Шкендија со која освои и пет титули.

Екс-фудбалерот пристигнува во период кога во Шкендија се случуваат промени во раководството по срамната елимнација во европските квалификациите од амтерскиот велшки клуб Хаверфордвест.