Добивме одговор од Велешта: Не беше клупски собир, жителите на селото играа фудбал!

Денес на официјалната страна на ФК Велешта се појави видео на кое се гледа како се игра фудбал, видеото набрзо беше тргнато но предизвика реакции во јавноста.

По објавувањето на веста до нашата редакција пристигна реакција дека станува збор за недоразбирање.

Контактирана беше официјалната страна тимот на Велешта и од таму добивме одговор дека станува збор за собир на мештаните и дека таму немало ниту еден играч или било кој од клубот.

„Во врска со видеото, тоа беа жители на селото кое се собраа и самите играа фудбал, не станува збор за клупски собир“, ни одговорија од Велешта.