Дибала и неговата девојка повторно позитивни на коронавирус

Ѕвездата на Јувентус, Пауло Дибала и неговата девојка Оријана Сабатини повторно се позитивни на коронавирус.

Фудбалерот на торинскиот тим на 21. март соопшти дека тој и неговата девојка се позитивни на вирусот, а претходните денови резултатите беа негативни.

Сепак, новиот тест покажа повторно присуство на коронавирусот, а тоа го потврди Оријана.

„На 21. март направивме тест и бевме позитивни. Пред три дена направивме тест кој беше негативен, а потоа негативен беше уште еден. Меѓутоа, последниот тест кој го напправивме е повторно позитивен. И натаму сме заразени и искрено не знам како сето ова делува. Еден тест позитивен, друг негативен.“ – открива Оријана.

Дибала и Оријана ќе мораат повторно во карантин. Претходните денови фудбалерот на Јувентус се чувствуваше добро, а тоа е случај и сега.

„Се чувствувам многу подобро откако имав некои симптоми неколку дена. Можам да се движам и ќе се обидам да продолжам со тренинзи.“ – изјави Дибала пред неколку денови.