Ди Марија: Ги „изедовме“ од првата минута

Крилниот фудбалер на ПСЖ, Анхел Ди Марија беше воодушевен од настапот на својот тим во победата против Лајпциг од 3:0.

Ди Марија беше прогласен за најдобар играч во полуфиналето.

„Ги изедовме од првата минута, напорно работевме цел натпревар и заслужено се пласиравме во финалето. Многу сме среќни ова е прво финале за клубот, а ние одигравме фантастичен натпревар. Сакаме да испишеме историја и во тоа веќе успеавме, а мораме да продолжиме вака за нашиот сон да стане реалност“, изјави Ди Марија.

Претходно ПСЖ само еднаш во својата историја стигна до полуфиналето и тоа во сезоната 1994/1995 кога изгубија од Милан.

„Во финалето сме и тоа е единствено важно, Лајпциг е одличен тим, но поради нас изгледаше слабо“, изјави Ди Марија.