Деталите од трансферот на Мбапе во Реал Мадрид

Во денешното издание на „Марка“ беше објавено дека Килијан Мбапе ставил потпис на договор со Реал Мадрид, а сега се откриваат и деталите од договор.

Според информациите Мбапе се согласил на договор на пет години со плата помеѓу 15 и 20 милиони евра плус бонуси.

Во дополнителниот текст со деталите се наведува дека финанискиот дел бил за нијанза понизок од соработката која била договорена во 2022 година кога Мбапе на крајот се премисли и го продолжи договорот со ПЖС.

Платата не се прецизира, но ќе биде помеѓу 15 и 20 милиони евра со дополнителни бонуси. Со ваквите примања ќе биде најплатениот фудбалер на Реал Мадрид.

Ќе потсетиме во 2022 година се пишуваше за сума од 130 милиони евра која Мбапе ќе ја добие со потписот на договорот како бонус, меѓутоа сега и тука има корекција.