Дали ова е доказ дека Погба останува на „Олд Трафорд“?

Во изминатата сезона во Манчестер Јунајтед беше бурно, па навивачите ќе се обидат што поскоро да ја заборават.

Во летниот преоден рок англискиот тим се спрема за големи промени во играчкиот кадар и сите се надеваат на подобри денови.

Многу прашања се поврзани околу евентуалното заминување на Пол Погба, кој имаше сезона под очекувањата. Французинот е големо разочарување, а се шпекулира дека е мета на Реал Мадрид и Јувентус.

Од Јунајтед се уште немаат одговор, но интересно е што на промоцијата на новите дресови како модел се појави токму Погба.

Дали тоа значи дека и наредната сезона ќе го гледаме во дресот на „црвените ѓаволи“, останува да видиме, но медиумите на Островот тврдат дека овој потег е голема индиција за неговото останување на „Олд Трафорд“.